Starfræn segulómmyndun

Fyrir þá sem halda að starfræn segulómmyndun (fMRI) sé flöff, think again. Allavega er nógu andskoti erfitt að læra á þetta drasl. Það er ekki nóg með að maður þurfi að skilja a.m.k. grundvallaratriðin í eðlisfræðinni á bak við fMRI og kunna að forrita birtingu áreita í rannsókninni, heldur verður maður að læra að vinna úr því gífurlega magni gagna sem tækið spýtir út úr sér.

Ég er núna að læra á forrit sem kallast AFNI sem er ekkert sérlega notandavænt, reyndar bara alls ekki neitt. Flest þar er command-based, sem sagt lítið um fína og flotta glugga með tökkum. Ég þarf að læra á UNIX í leiðinni og hvernig skipunum UNIX tekur við. Blegh. En þegar og ef ég læri nokkurn tíma á þetta get ég hrósað happi því AFNI er mjög öflugt forrit auk þess sem það er frjálst og ókeypis. Ef við ákveðum einhvern tíma að stilla skannana á Íslandi fyrir fMRI er örugglega auðveldara að nota frítt forrit heldur en eitthvert 5000 dollara fancy-pants forrit sem fjársveltur Háskólinn hefur ekki efni á að borga undir mann.

Athugasemdir

[Árni Kristjánsson (IP-tala skráð) 18.9.2007 kl. 17:45]

hmmm... hafa menn við Brown ekki heyrt um SPM? Ókeypis og open source!!

Notendavænt? ehemm, nei reyndar ekki.

[Heiða María Sigurðardóttir, 18.9.2007 kl. 23:28]

Tja, ég veit að SPM stendur meðal annars fyrir Super Paper Mario sem er frekar óþolandi tölvuleikur á Wii-tölvum. Fletti þessu svo upp og þá er þetta líka MATLAB-pakki. Ég er reyndar að reyna að læra á MATLAB, svo það hefði kannski verið ákjósanlegra að nota SPM, plús að það myndi virka á PC-tölvunni minni. En fyrst fólk hérna í kringum mig virðist almennt nota AFNI og þjálfun í því er í boði þá held ég mig líklega við það.

Gluggakerfi hafa verið til í meira en 30 ár, af hverju eru þau ekki alltaf í boði?