Ógeðslegar athugasemdir

Mikið eru þær ógeðfelldar sumar athugasemdirnar sem hafa komið fram hér á Moggablogginu um Aron Pálma og jaðra við að bera vott um mannfyrirlitningu. Það er bara tvennt sem mér finnst skipta máli: a) Er Aron Pálmi líklegur til að fremja afbrot hér á landi? og b) Þarf hann sjálfur á hjálp að halda? 

Hættum þessari endalausu refsigleði og hjálpum fólki að verða betri menn. 

Aron Pálmi kominn til landsins

Athugasemdir

[Árni Gunnar Ásgeirsson, 26.8.2007 kl. 20:44]

Oj, hvar eru þessar athugasemdir? a) og b) er líka alveg nóg fyrir mig. Annars fannst mér undarlegt hvernig utanríkisráðuneytið blandaði sér í málið fyrir löngu síðan, enda hlýtur að vera óeðlilegt að viðurkenna réttarríkið BNA, okkar helsta bandamann utan norðurlanda, en reyna samt að hafa áhrif á afplánun dóma þar. Mér hefði fundist eðlilegra að raunveruleg gagnrýni á fangelsun barna fylgdi með beiðninni. En það er ekki Aroni Pálma að kenna...

[Heiða María Sigurðardóttir, 27.8.2007 kl. 23:13]

Ég ýkti nú kannski aðeins, það var ekki svo mikið um þessar athugasemdir, en sumar hef ég séð ansi leiðinlegar. Aftur á móti er áhugavert að Aron Pálma langar í sálfræði, kannski hann fari að læra hjá okkur :)

[Árni Gunnar Ásgeirsson, 28.8.2007 kl. 18:19]

Já, ég var farinn að velta fyrir mér hvort hann myndi koma í aukatíma til mín í almennri sálfræði. Svo kom í ljós að hann ætlar að byrja í íslensku. En ég vil bæta við þetta: Aron Pálmi er víst búinn að vera 2 ár að læra sálfræði í einhverju college.