Að berjast á réttum vígstöðvum

Ég er mikill jafnréttissinni, og tel að konur og karlar eigi erfitt uppdráttar á mismunandi sviðum. Ég man til dæmis eftir einni rannsókn þar sem vísindamönnum var gert að lesa yfir fræðilega grein. Helmingi þeirra var sagt að greinin væri eftir John Smith en hinum var sagt að hún væri eftir Jane Smith. Bæði karl- og kvenvísindamönnunum sem lásu yfir greinina sem þeir töldu vera eftir John Smith fannst hún yfirleitt afskaplega fín og vel skrifuð. Þegar greinin var aftur á móti eftir Jane Smith var hún bara svona allt í key, flestum fannst hún ekkert spes.

Þetta er, að ég held, dæmi um að ómeðvituð viðhorf geta mótað hegðun okkar (sjá til dæmis umfjöllun Árna Gunnars Ásgeirssonar um IAT á heimasíðu Res Extensa). Ég er nokkuð viss um að vísindamennirnir sem mátu greinina hafi alls ekki ætlað sér að vera ósanngjarnir. En svo virðist sem kynferði hafi þarna haft áhrif á dóm þeirra um ágæti verka höfundarins.

Að berjast fyrir jafnrétti er gott. Ég held þó að Femínistafélag Íslands leggi ekki alltaf áherslu á rétta hluti. "Pick your battles", segja Kanarnir, og ég held að það sé nokkuð til í því. Í stað þess að berjast gegn kortafyrirtækjum, væri ekki betra að reyna að gera fólk, bæði karla og konur, meðvitað um að það dæmir bæði aðra og jafnvel sjálfan sig út frá staðalmyndum -- staðalmyndum sem stundum er jafnvel eitthvert smávegis vit í -- en staðalmyndum samt sem áður. Það alhæfir um sundurleitan hóp, svo sem konur eða karla, þegar raunin er að munurinn á milli hópa er langtum minni en munurinn innan hópanna. Þetta tel ég vera að ráðast að rótum vandans.

Femínistafélagið kærir Vísa-klám

Athugasemdir

[Siggi (IP-tala skráð) 11.12.2007 kl. 07:56]

Miðað við hvað jafnrétti er góður málsstaður til að berjast fyrir þá er sorglegt að sjá hvað feministar standa fyrir.

[Helgi Hrafn Gunnarsson (IP-tala skráð) 11.12.2007 kl. 09:35]

Femínismi er hættur að standa fyrir jafnrétti á Íslandi. Þetta með staðalímyndirnar... það er engin spurning að mannskepnan er fordómafull. Ástæðan er væntanlega sú að við höfum hreinlega ekki tíma til að prófa og skoða hlutlaust hvert annað og einasta atriði sem kemur okkur fyrir sjónir. Það þýðir hinsvegar ekki að yfirvöldum sé treystandi til að skilgreina samkvæmt lögum hvernig staðalímyndirnar eigi eða eigi ekki að vera. Það er enginn eðlismunur á því og að stjórna því hvað fólk hugsar, eingöngu stigsmunur, og það er rangt, alls staðar, alltaf, undir öllum kringumstæðum.

Og femínistar á Íslandi þurfa að fara að troða því inn í hausinn á sér að hamingjusama hóran er til ÞAR SEM HÚN ER LÖGLEG, og að það er til aragrúi af kvenfólki sem finnst bara andskotann ekkert að því að stunda kynlíf fyrir framan aðra! Munurinn á femínisma og jafnréttissinnu fer að verða æ skýrari. 

[Aðalsteinn (IP-tala skráð) 11.12.2007 kl. 10:10]

Síðan eru það orðin feministi og feminismi. Hvorutveggja eru þetta kk. orð þannig að næst hljóta ÞESSIR feministar að skipta yfir í kvk. orð sem betur hæfir þessari rugl baráttu þeirra.

Gerið það fyrir mig og (að ég held) meginhluta þjóðarinnar að hætta þessu helv.... bulli. Um leið og þið farið að beina sjónum ykkar að jafnrétti í stað þess að vera sífellt að væla um kvenréttindi þá munu fleiri fara að hlusta á ykkur í stað þess að pirrast yfir ykkur eða hlægja að þessu bévítans bulli.

[Björn (IP-tala skráð) 11.12.2007 kl. 12:03]

"Í stað þess að berjast gegn kortafyrirtækjum, væri ekki betra að reyna að gera fólk, bæði karla og konur, meðvitað um að það dæmir bæði aðra og jafnvel sjálfan sig út frá staðalmyndum"

Ég gat ekki annað en skellt uppúr þegar ég las þetta, minnir mig á South Park þátt þar sem allt er komið í öfgar og krakkarnir eru að segja fullorðnu að það er ekkert kreditkortafyrirtækinu að kenna að fólk eyði pening í klám... Æji váá þetta er svona ekta south park endir. 

[Lilja Sif (IP-tala skráð) 11.12.2007 kl. 13:57]

Já! Guð hvað það er rétt! Sé þetta alveg fyrir mér, haha!

[Guðfinna Alda, 11.12.2007 kl. 14:33]

Sammála

[Guðfinna Alda, 11.12.2007 kl. 16:22]

Reyndar ágætis punktur hjá Sóley Tómas um af hverju sífellt sé verið að verja klámið http://soley.blog.is/blog/soley/#entry-388376

[The Jackal, 11.12.2007 kl. 16:30]

Með hjálp öfgafemínistanna mun fólki finnast Jane Smith greinarnar enn verri

[Davíð Halldór Lúðvíksson (IP-tala skráð) 11.12.2007 kl. 16:34]

Það að vera femínisti og jafnréttisisti er tvennt ólíkt. Eins og nafnið gefur til kynna er femínismi með fókusinn á kvennréttinudum til jafns karlréttinda, hins vegar er lítið talað um misrétti karla til jafns kvennréttinda. Þessa vegna á ég mjög erfitt með að skilgreina femínastafélag sem upphefur kvennkyn og fókusar á kvennkyn í ríkara mæli en á karlkyn sem jafnréttisfélag. Nafnið sjálft brýtur á bága við jafnréttissjónarmiðið í skilningu orðanna sem slíkra.

[Davíð Halldór Lúðvíksson (IP-tala skráð) 11.12.2007 kl. 16:38]

Leiðrétting: 

Tengillinn femínist leiðréttur.

[Einar Örn Guðmundsson, 12.12.2007 kl. 14:09]

Ef þessi fræðilega grein fjallaði um eitthvað þar sem kyn gæti haft áhrif á hlutleysi höfundar þá er skiljanlegt að fólk hafi mismunandi viðhorf gagnvart greininni. Ég er ekki að segja að svo hafi verið, enda veit ég ekkert um hvaða grein er verið að ræða þar sem það er engin link á þessa rannsókn og rannsakendur hefðu væntanlega vit á því að stilla rannsókninni ekki upp á þann máta.

Elísabet: ég er nokkuð viss um að ef Jón Jónsson hefði lagt inn þessa kæru þá hefði álit fólks verið annað. En ef Jón Jónsson væri róttækur feministi sem kallaði alla karlmenn nauðgara (sem myndi væntanlega gera hann að nauðgara í leiðinni) þá væri álit fólks nákvæmlega það sama.

Þó svo að þú viljir eflaust gera þetta að Karlar vs. Konur dæmi þá snýst þetta um hvaða álit fólk hefur á afskiptasemi feminista.

Sjálfum finnst mér þessi aðgerð reyndar vera ágæt, mér finnst það vera mjög jákvætt ef hægt er að draga úr hagnaði klámiðnaðarins með einhverjum hætti og minnka aðgengi fólks að klámi.

Hinsvegar vil ég benda á það að það eru margar konur sem skoða klám, þó svo að sú tala nái ekki karlmönnum. Fertugar og fimmtugar konur eiga kannski erfitt með að trúa því en stelpur/konur af minni kynslóð hafa oft gaman af þessu ef marka má mína reynslu.

[Ómar Örn Hauksson, 12.12.2007 kl. 20:09]

Elísabet. Það hefði öllum fundist þetta heimskuleg aðgerð sama hver hefði kært, karl eða kona. Heimska er blind á kyn.