Ekkert að smá forræðishyggju

...nema hvað forræðishyggja er eitt ofnotaðasta og klisjukenndasta orð sem ég veit um. Allt er flokkað undir forræðishyggju nú til dags því allt á að snúast um frelsi einstaklingsins svo það jaðrar við anarkisma. Frelsi einstakingsins er gott og blessað, svo lengi sem það skaðar ekki aðra. Það tel ég góða þumalputtareglu. Með aðgerðum sínum er Volvo ekki bara að minnka áhættuna fyrir ökumanninn sjálfan heldur einnig hina í umferðinni. Og hvað er það annað en gott?

Volvo-bílar hafa vit fyrir ökumönnum sínum

Athugasemdir

[Heiða María Sigurðardóttir, 13.9.2007 kl. 22:03]

Rétt ágiskun.

[Árni Gunnar Ásgeirsson, 14.9.2007 kl. 08:57]

Mér finnst þetta reyndar mjög skemmtileg dæmi hjá Dharma.

Varðandi þetta bremsukerfi, þá hef ég áhuga á að vita hvernig komið er í veg fyrir að aftanákeyrslur verði einmitt af völdum kerfisins. Eins og við vitum þá bila bílar reglulega, og rafbúnaður er síður en svo undantekning. Hvernig verður þegar kerfið klikkar, bremsar af ástæðulausu og bíllinnn fyrir aftan kemur í skottið á manni?

Eitt getur maður svo verið viss um. Eftir aðeins 2 vikur á markaði verða bílaspjallborð heimsins orðin uppfull af leiðum til að aftengja svona kerfi, og aðeins ábyrgir ökumenn sem síst þurfa á kerfinu að halda verða með það tengt. En ætli sé ekki best að teikna bara fallega roc-kúrfu og sjá hversu sniðugt þetta er allt saman.